Forprosjekt regionalt reiseliv i Sogn
På oppdrag frå Sogn regionråd er vi hyra inn som prosjektleiar i eit forprosjekt for regionalt reiseliv i Sogn. Prosjektet har som målsetnad å «Avklare korleis næringsnettverket kan jobba vidare med reiseliv som eit fellesprosjekt. Prosjektet skal avklare korleis rådet bør innrette eit hovudprosjekt. Arbeidsformer og rollefordeling må gjerast tydelege».
Reiselivet er ein viktig del av Sogn og bidreg med stor lokal verdiskaping. Det er lagt ned mykje arbeid i ein Masterplan for reiselivet, men for å sikre at ein kjem i mål med den nokså ambisiøse planen er det naudsynt å ha ein god plan for den faktiske gjennomføringa av handlingsplanen.
Fasiten er ikkje klar, men rapporten som skal danne grunnlaget for avgjersla vil bli presentert til rådsgruppa i oktober. Vi er spent på kva dei bestemmer seg for og korleis reiselivet 2.0 vil bli arbeida med i Sogn.
Har du innspel til kva som er viktig for å utvikle reiselivet i Sogn, så høyre vi gjerne frå deg! Ta kontakt med Line, på e-post line@sognnaring.no eller telefon 90 61 84 83.
