Førdestudentar vil til Sogn

IT-utdanningane ved Høgskulen på Vestlandet i Førde er eit resultat av innmeldte behov frå nærings- og arbeidsliv i heile Sogn og Fjordane. No vert det andre kullet med studentar uteksaminerte, studentkull skal ut i praksis og det skal skrivast bacheloroppgåver. No ønskjer Høgskulen kontakt med arbeidsgjevarar i Sogn.

Arbeidet med å skaffe praksisplassar for hausten 2022 er allereie i gang. Har du ein praksisplass vil vi i Sogn Næring og Høgskulen på Vestlandet gjerne høyre frå deg. Det er og eit kartleggingsarbeid i gang når det gjeld bacheloroppgåver, og sjølvsagt er studentane ute etter sommarjobb i Sogn. Dei ferdig utdanna kandidatane er særs ettertrakta, og vi set deg gjerne i kontakt med dei og.

Arbeidsgjevarar er velkomne til å ta kontakt med Høgskulen på Vestlandet Institutt for data-, elektro- og realfag: Per Christian Engdal: 982 69 301 eller Per.Christian.Engdal@hvl.no.

Har du innspel til korleis vi i Sogn kan jobbe for å sikre rett kompetanse til nærings- og arbeidsliv? Ta gjerne kontakt med Anja Fardal på 950 04 858 eller anja@sognnaring.no

Meir info om Informasjonsteknologiutdanninga finn du her

PS: Det er søknadsfrist for opptak av nye studentar via samar ordna opptak 20. April. Les meir om studiet og søk opptak her