Onsdag førre veke arrangerte Sogn Næring i samarbeid med HVL Skape ein gründerkveld. Mange tok turen til FUS i Sogndal, både studentar og andre interesserte. Arrangementet ble holdt på FUS på Campus Sogndal, som er arbeidsfellesskapet i Sogn. Her er det mellom anna fleire gründerar som har kontorplass - og det er plass til fleire!

Målet med kvelden var å ufarleggjera det å starta for seg sjølv og få ut informasjon om kvar ein kan starta. På campus Sogndal sit heile verkemiddelapparatet samla, men det er ikkje alltid så lett å vita kven ein skal kontakta, eller kva ein kan søkja på av støtteordningar. I tillegg ønskte me å skapa ein møteplass og inspirasjon for nysgjerrige sjeler og dei som har ei gründerspire i magen.

Me hadde gleda av å samla verkemiddelapparatet HVL Skape, Sogn Næring, Kunnskapsparken Vestland og Innovasjon Norge Vestland for å fortalle om moglegheitene ein har som gründer her i Sogn. Saman ga dei eit bilete på kvar ein skal starta og kva støtteordningar som kan hjelpa på vegen til målet.

I tillegg fekk me inspirasjonsforedrag frå studentgründerane Simen Venemyr og Tommy Stigen i VestboardGames. Dei held på å utvikle to brettspel som dei har fått søtte til gjennom tidligfasefinnansieringa til HVL Skape. Spelet dei satsar fult på kom til live på under 24 timar på spelekonkurransen i Førde kalla Global Game Jam'24. Vidare prata Martin Trollebø Johnsen om reisa og erfaringane sine så langt med utviklinga av EdBox. Han held på å utforme ein digital læringsplattform som skal forbetra kommunikasjon mellom elevar og lærarar både i og utanfor skuletimane. I tillegg fekk me ein litt anna vinkling frå Stian Langeland i Wyssen om stega dei har teke for å komma dit dei er i dag, med mange gode lærdommar og tips!

Takk til alle som delte og til dei som kom for å lêra meir og bli kjend med oss!

Ta kontakt med oss viss du ønskjer hjelp med din idè!