Det skjer ting på FUS!
På FUS finn vi ein samling av mange forskjellige folk. Alt frå gründera, arbeidstakare som jobbar remote eller åleine. I tillegg har vi også besøk av nokon elevar i ny og ne, og det skjer både sosiale og faglege arrangement. Les vidare for å sjå kva spennande som skjer på FUS om dagen!
Du har kanskje høyrt om FUS, men kva er det eigentleg? FUS er det distribuerte saumlause arbeidsfellesskapet i Sogn. Ordet FUS står for Fellesskap og Utvikling i Sogn. FUS skal vere ein møteplass i lokalsamfunnet med regelmessige faglege- og sosiale arrangement, og sjølvsagt alt ein forventer av kontorfasilitetar og møterom. Vi har FUS lokaler i Vik, Sogndal og Kaupanger der ein kan booka fast plass eller drop-in.
Gjennom fellesskapet i FUS skal vi gjere medlemmane i stand til å utvikle og selje produkta sine. Til gründere tilbyr vi støtte, tilgang til oppstartskapital, introduksjon til potensielle kundar, samt rådgjeving, slik at dei kan realisere sine ambisjonar raskare. Men FUS er ikkje berre for dei som startar eigen bedrift. Det er også ein plass for dei som jobbar remote eller åleine. Vi har tatt en prat med nokon av dei som sit på FUS i Sogndal og Kaupanger.
Remotearbeiderne på FUS
Moa Terjesdotter er ein av FUSerane. For tida sit ho delvis på FUS lokalet på Kaupanger. Ho jobbar remote som produktutviklar og klesdesigner for Silly Santa, eit firma basert i Oslo.
- Det er deilig å kome seg litt bort fra heimen. At lokala er fine og atmosfæren god er også heilt topp, seier ho. Det er mykje som skjer på ViteMeir der FUS på Kaupanger er lokalisert, men samstundes er det arbeidsro. Moa sier det hadde vore hyggeleg om fleiere benytta seg av FUS lokalet på Kaupanger saman med ho.
I Sogndal har vi tatt ein prat med Gry Thyrrestrup. Ho jobbar i DNT. Der har ho ei kombinert stilling mellom Luster Turlag, Sogndal Turlag og DNT Sogn og Fjordane. Me spør henne kva det beste med å sitja på FUS er:
- Det heilt klart miljøet, spesielt for meg som eigentleg er den einaste på arbeidsplassen min, så er det veldig kjekt å ha nokon å eta lunsj med og ta ein kaffi med og slå av ein prat. Det er rett og slett veldig hyggjeleg og sosialt, seier Gry.
Denne veka har me også besøk av ein Sogning som ikkje lengre bur i Sogn. Ragnhild Fromeide jobbar nemleg i Multiconsult Tromsø, men denne veka arbeider ho frå FUS kontoret i Sogndal. Når me spør henne om ho har nokre tips til dei som er i jobb, men vil oppleva Sogn er meldinga klar: Berre gjer det! Viss ein vil stå på ski ei veike eller sykla er det perfekt å kombinera det å arbeida på FUS...og det er billig, gode fasilitetar og inkluderande!
På FUS får ein:
Kontorplass i nye, flotte kontorlandskap
Tilgang til møterom og stillerom i ulike storleikar
Tilgang på PC skjerm
Pauserom og/eller kantine
Mingleplassar og anna felles areal
Wifi og skrivar
Kurs, arrangement og nettverksaktivitetar
Spennande kolleger og naboverksemder
Kaffi
Kjenner du nokon som ikkje bur i Sogn men treng å komma seg litt vekk? Tips dei om å ta med PC, skiutstyr og koffert med klede til Sognefjorden. Eller heile flyttelasset. "Ute til lunsj" får ei heilt ny betyding.
Åpning av Studentstova på FUS i Vik
I september besøkte vi Vik saman med Sogn Kompetanse. Der blei dørene åpna til den splitter nye Studenstova i FUS lokalet i Vik, eit samlingspunkt for studentar og lokalbefolkning. Dette ble etablert i samarbeid mellom Sogn Kompetanse, Sogn Næring og Vik kommune da ein så at det var beohov for ein felles samlingsstad for studentar og innbyggjarar i Vik. Det vil forhåpentligvis skape eit inkluderande og inspirerande miljø for læring og samvær. Her er det nå to leseplassar med skjermar for studentar. Ein ypperleg plass for dei som er i arbeid, og som til dømes ynskjer å heva kompetansen sin gjennom studiar og kurs. Elles kan alle som ynskjer booke seg drop-in plass på FUS. I tillegg finn du ein triveleg kjøkkenkrok og rom for sosiale aktivitetar som vil gjere kvardagen på FUS komplett.
FUS er på sosiale medier
Til veka arrangerar me i samarbeid med HVL Skape ein gründerkveld på FUS Sogndal for studentar, framtidige gründerar og nysgjerrige sjeler. FUS Sogn er på sosiale medium, så følg med kva som skjer her!