Teknologi, AI og morgondagens leiing var tema på årets Næringskonferanse i Flåm

Endå ein gong vart Næringskonferansen i Flåm arrangert på Fretheim Hotel. Tredje året på rad! Den årlege konferansen, arrangert av Norway's Best, har som mål å samla næringslivet for å diskutera utvikling, samarbeid, innovasjon og omstilling. I år fekk vi verdifull innsikt i korleis AI i bedrifter handlar like mykje om endringsleiing som om teknologi.

AI - eit kraftig verktøy men erstattar ikkje EI (emosjonell intelligens)

Eit gjennomgåande tema var korleis AI kan brukast som eit verktøy for effektivisering i næringslivet, men også viktigheita av å forstå både potensialet og avgrensingane ved AI. Eirik Norman Hansen gav oss konkrete verktøy og døme på korleis AI i dag blir brukt, gjennom AR (utvida virkelegheit), VR (virtuell virkelighet) og generativ AI. Gjennom foredraga vart ein påminna på at AI i seg sjølv berre er matematikk og algoritmar – og manglar evna til å skilja mellom sant og usant.

Vi tek med nokon konkrete tips på AI verktøy som kan fungera som din personlege assistent:

• JOJO for å gjera om lydfiler til tekst

• Fireflies for å samanfatta møter eller samlingar

• HeyGen for å oversette ein innspelt video til eit anna språk, hvor munn og stemme tilpasses det valgte språket.

• ChatGPT kan til dømes brukast til å få ut konkret informasjon frå rapportar og datanalyse i Excell rapportar.

Kunstig intelligens kan vera utruleg effektivt, men Tim Browne poengterte kor viktig det er med EQ (Emotional Intelligens) i kommunikasjon. Ikkje berre med språk og tale men også korleis alle sansane påverkar oss. Vi slettar, forvrengjer og generaliserer når vi filtrerar informasjon,. Me må sjå AI og EI i samanheng. Utan menneske er me ingenting. Vidare delte Anna Maria Urbaniek-Brekke frå Vestlandsforskning funn frå forprosjektet i FORREGION Vestland om korleis VR kan brukast til virtuelle turar for turistar på Kongevegen over Filefjell.

Generelle råd om AI vi tek med oss frå Flåm:

• Ikkje ver redd for å prøva ut AI-teknologi.

• Byrj med små steg og enkle prosessar.

• Sørg for å tileigna nok kunnskap om korleis AI kan brukast til å løysa konkrete problem og ta dei neste stega.

• AI kan hjelpa, men er ikkje nødvendigvis løysinga på alle problem i bedrifta.

• AI er ikkje ein søkjemotor og heller ikkje kjønnsnøytral

• Kreativitet og AI kan kombinerast for å løysa komplekse utfordringar på ein effektiv måte.

Leiing i møte med generasjon Z

Silje Guddal og Kjetil Myrland frå PwC tok oss med på utfordringane som leiarar i dag står ovanfor. Leiinga må mellom anna tilpassast for å møta dei unike behova til generasjon Z, ein generasjon som ifølgje ekspertane vil ha meir enn berre ein leiar – dei ønskjer ein coach som gir dei autonomi og rettleiing. Det vart understreka at leiarar må gi meining og formål bak arbeidsoppgåver og at fleksibilitet, psykologisk tryggleik og anerkjenning er essensielle faktorar for å lykkast.

Delte eigne erfaringar og refleksjonar frå leiarrolla

Andrea Opseth avslutta konferansen med å snakka om folka som den viktigaste ressursen. Gjennom erfaringane og refleksjonane sine delte ho mange gode bod til morgondagens leiarar. Som leiar må ein finna sin eigen stil og ta omsyn til at alle har ulike verdsbilete. Bygg under det som er bra og bygg laget! Angrip, pass på deg sjølv, hent input og ikkje minst, ha det kjekt avslutta ho!

Nokre råd til morgondagens leiarar:

• Bygg ein kultur der medarbeidarar kjenner seg sett og verdsett.

• Finn din eiga leiarstil, det finnes ikkje èn oppskrift - men tilpass også til den nye generasjonen som stiller andre krav og fungerar på ein anna måte

• Kommuniser tydeleg «kvifor» bak avgjerder for å få medarbeidarane med på reisa - Andrea visar til “The golden circle”

Prisutdeling og pitchekonkurranse

Vi gratulerer så mykje til Balholm som vart kåra til årets bedrift, Ragnhild Årestrup Larsen direktør i Linn Bad vart kåra til årets leiar, og Ecom, ved Robin Solberg, Ole-Marius Solberg og Håvard Mjelleli som vart kåra til årets nykommar.

I tillegg blei det for fyrste gong avholdt Sognapitch, ein pitchekonkurranse kor lokale gründerar fekk pitche sin idé for publikum og ein jury. Me gratulerer til Knut Olav Ekeberg med Sprøyte Journal som stakk av med 1.plassen, 2.plassen til Amalie Skrede, Sunniva Skrede og Erik André Jakobsen med Dreng, og 3.plassen til Lars Røyrhus med Status.