Morgondagens talentar i møte med bedrifter på Økonomidagen Sogn
Økonomidagen Sogn vart for andre gong arrangert på Høgskulen på Vestlandet (HVL) i Sogndal. Arrangementet er eit bransjetreff for studentar innan økonomi, administrasjon og reiseliv og næringslivet i Sogn. Heile 19 bedrifter frå Sogn var til stades, klare for å møte mange ivrige, nysgjerrige og motiverte studentar.
Arrangementet er eit samarbeid mellom Høgskulen på Vestlandet (HVL), Linjeforeininga for økonomi i Sogndal (ØKS), HVL Skape og Sogn Næring – alle med mål om å leggja til rette for ei sterkere kopling mellom utdanning og næringsliv i Sogn. Samtidig får bedriftene høve til å gjera seg synlege for framtidige tilsette og skapa relasjonar som kan opna opp for moglegheiter vidare. Ein viktig dag for å halde på kompetansen her i Sogn og bidra til lokal utvikling. For at studentane skal bli må dei rett og slett vite om alle dei gode moglegheitene Sogn har å by på og bedriftene må vere frampå!
Ein arena for nettverksbygging
Etter stor suksess tidlegare i år, var både studentar og bedrifter ivrige etter å delta på arrangementet i haust. Dagen gav eit viktig møtepunkt og eit unikt høve til å bli kjend og ikkje minst til å diskutera karrieremoglegheiter i regionen.
Økonomidagen var ein utruleg kjekk måte for oss å treffe studentane og vise fram kven vi er. Sidan det var så mange som 19 bedrifter med i dag, fekk vi også prata med mange av bedriftene i Sogn. Ein fin moglegheit for nettverksbygging, seier Sigrid Alice i Innovasjon Norge som var ein av bedriftene som stod på stand.
Eit tettpakka program med bedriftspitchar, stands og mingling
Bedriftene som deltok hadde høve til pitche si bedrift til studentane. Bedriftene holdt ein kort presentasjon for å selja inn bedrifta si på ein overbevisande måte til studentane før dei vidare kunne ta ein nærare prat på stand. På denne måten fekk studentane lære meir om arbeidslivet og eit innblikk i kva bedriftene jobbar med, kva dei ser etter og kva dei kan tilby - som videre kan gi moglegheiter for både praksisplassar, deltidsjobbar og heiltidsstillingar etter endt studie. Ved forrige arrangement kapra nokre seg praksisplass allerede same dagen og fleire av bedriftene vi snakket med i går fekk notert seg kontaktar dei vil følgja opp.
Eit breidt spekter av bedrifter
Dagen var open for alle bedrifter i Sogn med interesserte for å møta framtidige jobbkandidatar og presentera moglegheitene sine. Bedriftene som deltok var:
Hydro
Sogndal kommune
Luster Sparebank
NAV
Innovasjon Noreg
AGTunnel
Digdir
Sogn Sparebank
Azets
Aider
Deloitte
Highsoft
Norway's Best
Avery Dennison NTP
PwC
Lerum
BDO
Sparebanken Sogn og Fjordane
Skatteetaten
Vi ser fram til å byggja vidare på eit viktig arrangement for rekruttering dei kommande åra, og håpar vi ser enda fleire neste år. Ein dag for alle som ønskjer å investere i framtida!
