Konfirmert og klar for vaksenlivet

20. april var det 15 år sidan Sogn Næring vart skipa og dagen vart markert i Balestrand. Programmet starta med kulturvandring i regi av Eli Grethe, deretter fortsatte programmet på Ciderhuset. Gjestene fekk innblikk i fortida til selskapet og det vart presentert noko av det framtida har å bringe. I løpet av kvelden vart det servert lokal cider saman med ein presentasjon av historia til Cider i Sogn, etterfulgt av ein nydeleg middag. Feiringa var ein stor suksess og konfirmanten sjølv er spesielt takksam for alle dei som tok seg tid til å feire ein heil dag til ende! Vi i selskapet gler oss til å tre inn i dei vaksne sine rekker og ta fatt på dei oppgåver som ventar oss der.