Line Bjelde tilsett som forretningsutviklar

Sogn Næring har tilsett Line Bjelde (32) som forretningsutviklar. Line har ein master i strategi, organisasjon og leiing frå Copenhagen Business School, og ein bachelor i marknadsføring frå BI, med spesialisering i bedriftsutvikling. Line kjem frå stilling som prosjektkoordinator i utbyggingsseksjonen i Sognekraft. Ho arbeider også med utvikling og drift av den familieeigde bedrifta Bjelde Gard.

Tidlegare har vår nye forretningsutviklar mellom anna vore dagleg leiar i Inox Health Performance i Bodø. Ho vart tilsett som dagleg leiar i bedrifta då den framleis var i planleggingsfasen, og har soleis erfaring med både oppstart, utvikling og drift av ei nyoppstarta verksemd.

Line er fødd og oppvaksen i Sogndal, og er svært engasjert i utvikling av næringslivet i Sogn. Me er sikre på at me i Line har fått på plass ein forretningsutviklar med kompetanse og erfaring som vil kunne bistå bedriftene våre på ein god måte.