Nettbasert etablerarkurs

Har du ein idé og har lyst til å starte ei bedrift? Eller ønskjer du å vidareutvikle ein ny forretningsidé i bedrifta di? Lurer du på korleis du skal gå fram for å finne ut om du skal satse på dette? I regi av Vestland fylkeskommune blir det no arrangert nettbasert etablerarkurs i Sogn og Fjordane. Kurset er gratis.

I løpet av 9 nettbaserte samlingar kan ein få hjelp og rettleiing til å svara på spørsmål som:

• Kva vil det krevja av meg å vere ein entreprenør og satsa på min eigen idé?

• Korleis kjem eg i gang? Og kvar bør eg starta? 

• Kven kan hjelpa meg – korleis?  Og kva må eg sjølv gjera?

I løpet av programmet blir ein introdusert til:

• ein praktisk og steg-for-steg basert metode for å utvikla entreprenørskapsprosjekt

• ein digital lære- og arbeidsplattform der ein kan arbeida med prosjektet 

• rettleiarar og næringsaktørar i Sogn og Fjordane som kan hjelpa deg å utvikla ideen din.

Meir informasjon og påmelding finn du på driftig.no.