Har du Vestlandets beste idé?

Foto: VIS - Vestlandets innovasjonsselskap og Sparebanken Vest

Sogn, Vestlandet og verden har bruk for nytenkande idear for å løyse dei store samfunnsutfordringane vi står framfor. Har du tankar om korleis vi kan kome eit steg vidare i den grønne omstillinga kan du no vere med å konkurrere om ein premie med verdi på kr 500 000.

VIS – Vestlandets Innovasjonsselskap og Sparebanken Vest ynskjer å bidra til at dei gode ideane spirer. Dei lyser difor ut ein konkurranse for å stimulere til at fleire tenker nytt for å skape eit berekraftig næringsliv på Vestlandet.

---

Treng du nokon å sparre med, eller hjelp til å skrive søknaden? Ta kontakt med oss, vi hjelper deg gjerne og ynskjer å kome i kontakt med alle nytenkarar og idemakarar!