While1Create: God stemning - godt oppmøte

Tysdag arrangerte Sogn Næring saman med Digdir og Rocketfarm utviklarsamlinga While1Create på Rockethouse. Det var godt oppmøte frå utviklarmiljøet og stemninga meget god.

Konsepetet er velutprøvd og er eit initiativ frå både offentlege og private arbeidsgjevarar for å bygge nettverk, moglegjere samarbeid på tvers og å synleggjere den breie arbeidsmarknaden utviklarane har tilgang på i Sogn. Her har vi både store og mindre offentlege og private verksemder der utviklarane er kritisk arbeidskraft og me me har nokre av dei smartaste hovuda på feltet.

På samlinga heldt Digdir innlegg om deira arbeid med migrering til og strukturendring på ny plattform. Me fekk høyre mykje om kva utfordringar dei har i dette arbeidet og kva gevinstar dette vil gje i framtida.

Rocketfarm og NLink tok oss med på omvisning i bygget deira og viste oss kva spennande prosjekt dei jobbar med.

Sosialt og nettverksbygging var og ein sentral del av konseptet og det vart mange gode historiar og gode diskusjonar rundt bordet.

Me takkar for oppmøte og gler oss til fortsetjinga. Neste samling vert i oktober i lokala til Digdir på Leikanger.