Digital prosjektverkstad onsdag 2. november

Vestland fylkeskommune, Regionalt forskingsfond Vestland, prosjekt FORREGION Vestland, KS Vest-Norge og Forskningsrådet inviterer til prosjektverkstad.

Prosjektverkstaden er eit tilbod til aktørar i Vestland som vil lære meir om korleis strukturere og planlegge eit forskings- og innovasjonsprosjekt i næringsliv eller offentleg sektor. Kurset vil vere nyttig ved prosjektsøknader til Regionalt forskingsfond Vestland eller Forskningsrådet. Prosjektverkstaden består av to delar: sjølve kurset med praktiske eksempel, og eit tilbod om ein-til-ein samtale med rådgjevar. I forkant av prosjektverkstaden inviterer vi til eit kort informasjonsmøte om moglegheiter for finansiering av FoU-prosjekt.

Arrangementet er gratis, men du må melde deg på for å delta: Program og påmelding.

Påmeldingsfrist 28. oktober.