Økonomidagen Sogn 30. oktober
Vi gjentek suksessen - Eit bransjetreff innanfor økonomi og administrasjon. No i haust! Er du ei bedrift i Sogn som er gira på å bli kjent med framtidas jobbkandidatar? Denne dagen er for dykk!(Påmelding i skjemaet nederst på sida)
Økonomidagen som vart arrangert i våres var svært vellykka. Både studentar og bedrifter har gitt gode tilbakemeldingar. Dagen gir tettare kontakt, fleire møteplassar og høve til å bli betre kjende. Derfor inviterer Høgskulen på Vestlandet, Linjeforeininga for økonomi i Sogndal (ØKS), HVL Skape og Sogn Næring bedrifter i Sogn til Økonomidagen høst 2024 den 30. oktober klokka 14.30 på Høgskulen!
Bedriftene får møte studentar frå Handelshøgskulen i Sogndal. Studentane kjem primært frå bachelor- og masterstudia i økonomi og administrasjon, og bachelor i økonomi og jus, eiendomsmegling, bachelor eller årsstudium i reiseliv, og natur- og opplevingsbasert reiseliv. Du kan lese meir om insituttet ved Campus Sogndal her.
I tillegg til nettverksbygging, får bedriftene syne sine jobbmoglegheitar for studentane. For eksempel praksisplassar, deltidsjobbar og/eller ein spennande jobb etter endt studium. Frå og med våren 2025 skal fleire studentar i praksis. Fagfelta studentane skal ut i er mellom anna :
Administrasjon og leiing
Bank og finans
Marknadsføring
Industri og innovasjon
Teknologi
Næringsutvikling
Konsulenttenester
Revisor og rekneskapsførarverksemder
Økonomi- og eller rekneskapsavdeling i privat eller offentleg verksemd
Forsikring
Reiseliv
Bedriftene er velkomne til å ha stand i lokalet. Vi utfordrar dykk også til å halde ein «bedriftspitch» på maks 5 minutt. Der får de fortelje kva jobbkandidatane får oppleve i di bedrift. I år har vi bedriftspitch fyrst slik at studentane kan få vite litt meir om bedrifta før dei kjem på stand. Det vil i tillegg bli servert mat og det blir mykje tid til å bli kjende med kvarandre og bygge nettverk.
Dersom de ynskjer bedriftspitch, gje beskjed til frida@sognnaring.no innan 23. oktober.
Førebels program, 14:30-17.00:
Velkomen v. HVL, ØKS og Sogn Næring
Bedriftspitch (talet på påmeldte bedrifter vil vere med å avgjere lengda på bedriftspitch-økta)
Stands og mat (Vi sett av god tid til stands og mingling)
Avslutning
Dette er de de påmeldte bedriftene p.d.d:
- Aider
- Deloitte
- Highsoft
- Norway`s Best
- Avery Dennison NTP
- PwC
- Sognekraft
- Lerum
- BDO
- Sparebanken Sogn og Fjordane
- Skatteetaten
- Hydro
- Sogndal kommune
- Luster Sparebank
- NAV
- Innovasjon Norge
- Accountor Økonomi Sogn AS
- AGTunnel
- Digdir
- Sogn Sparebank
- Azets
Meld deg på i skjemaet om du ynskjer å delta. (De mottar ein mail med meir info. NB: Sjekk søppelpost!). Det er ingen påmeldingsavgift. De kan stille fleire frå bedrifta om dykk ynskjer. Vi oppmodar bedriftene til å delta med tilsette frå ulike nivå i organisasjonen. Ved påmelding vil de få meir informasjon fortløpande.
PS! Påmelding for studentar kjem i eit eige skjema frå ØKS.
Har du spørsmål, eller ynskjer du meir informasjon? Ta kontakt med frida@sognnaring.no
