Frukost blir servert kl 0800-0830
Faglig påfyll 0830-1000
Vi sparkar i gang årets første Frukostprat – og kva betre stad å gjere det enn i skitrekket? Målet vårt er å løfte fram det gode arbeidslivet her i Sogn, ikkje minst korleis jobben kan kombinerast med ein aktiv og innhaldsrik fritid.
Tenk deg dette: Eit fagleg frukostmøte der du kan knyte nettverk, lære noko nytt – og samtidig har alle deltakarane på seg skiklede, klare til å ta ein tur i bakken etterpå. Kanskje det kan telje som trening i arbeidstida?
Kor kult hadde det ikkje vore om vi kunne fått ein artikkel som lød: "I Sogn møter dei opp på frukostmøte i skiklær"! Er ikkje dette definisjonen på ein fantastisk stad å bu og jobbe, så veit ikkje vi.
Og om ikkje det er nok: Vi har også med oss dyktige og inspirerande foredragshaldarar som vil dele innsikt og erfaringar du ikkje vil gå glipp av.
Employer Branding – Innsikt og strategi
André Bjørkhaug, seniorrådgjevar hos Dfind, deler innsikter frå Randstad sine HR-undersøkingar og Employer Branding-rapportar. Han tar for seg kva krav og forventningar dagens arbeidstakarar har, og korleis bedrifter kan tiltrekke og behalde kvalifisert arbeidskraft i eit stadig meir konkurranseutsett arbeidsmarknad. André gir også praktiske eksempel på korleis ein kan bygge ein attraktiv bedriftskultur som appellerer til ulike generasjonar og fremmer trivsel og produktivitet på arbeidsplassen.
Arbeidsliv og karriere i distrikta – mytar og realitetar
Kristin Løseth og Daniel Furberg frå Vestlandsforsking presenterer funn frå rapporten "Arbeidsliv og karriere i Sogn og Fjordane." Rapporten gir innsikt i kvifor karriereutvikling kan vere raskare i distrikta enn i byane, blant anna gjennom breiare arbeidsoppgåver, tettare band til leiinga og større ansvar. Forskarane ser også på utfordringane, som færre alternative arbeidsplassar og små forhold som kan skape utfordringar i arbeidsmiljøet. Dei deler praktiske råd til arbeidsgjevarar om korleis ein kan legge til rette for både karriereutvikling og trivsel i distriktsarbeidslivet.