Sogn Næring er Sogndal kommune sitt apparat for næringsutvikling og skal bidra til auka tal på arbeidsplassar i regionen.

Vi opererer SIVA sitt næringshageprogram saman med Sognefjorden Næringshage. Programmet er retta mot etablert næringsliv. Målet er å gi lokale bedrifter auka mogelegheiter til vekst, ved å kople saman gode kompetansemiljø.

Sogn Næring tilbyr rådgjevning til deg som er i oppstartsfasen. Vi eig FUS Sogn saman med Kunnskapsparken i Sogn og Fjordane, eit kontorfellesskap med tilbod om arbeidsplass, nettverk og fagleg påfyll.

Vi er sekretartat for eigargruppa Campus Sogndal, på vegne av Sogndal kommune. Gruppa vart etablert i 2004 og er aktørane bak utviklinga sitt felles fora.

Sogndal Næringsforening er næringslivet sin eigen interesseorganisasjon og skal fremje næringslivet sine interesser og sikre at regionen har dei kvalitetane som gjer at folk ønsker å leve og bu i Sogndal.

Eit viktig fellestiltak for Sogn Næring er å skape faglege fora for næringslivet. Vi initierer og gjennomfører arrangement og eventer, særleg i samarbeid med andre aktørar.

Flytilbodet på Sogndal Lufthamn Haukåsen er kritisk infrastruktur for både næringslivet og dei offentlege arbeidsplassane i Sogn. Sogn Næring koordinerer infrastrukturtiltak og informasjonstiltak rundt flyplassen for å oppretthalde og vidareutvikle tilbodet rundt flyplasssen.

Vi har god oversikt over næringslivet i vår region og ønskjer å kople ulike aktørar med kvarandre. Ønskjer du til dømes å kjøpe kurs, finne fagkunnskap eller rette personar, skal vi hjelpe deg med det.

Det er store endringsprosessar i offentleg sektor, endringar som kjem godt fram i rapporten Samfunnseffektar av endringar i fylkeskommune og regional statsforvaltning, utvikla av Sogn Næring.

På vegne av vertskommunane vil Sogn Næring vere medspelar med aktørane for å sikre eksisterande arbeidsplassar, utvikle nye arbeidsplassar, utvikle samhandling mellom kommunen og offentlege verksemder og utvikle mål og strategiar.

Reiselivet er viktig næring i Sogn, og gjennom eigarskap i destinasjonsselskapet Visit Sognefjord skal vi være medspelar for utvikling i bransjen.

Vi arrangerer både foredrag og studieturar for å tilby kompetanseheving i vårt distrikt.

Vi ønskjer å besøke bedrifter for å bli betre kjent og sjå kva vi kan hjelpe til med. Har dei utfordringar, ønskjer vi å kople på riktige aktørar og gi tilgang til relevant nettverk.

Vi ønskjer å synleggjere kommunar og region som ein attraktiv lokaliseringsstad for verksemder i privat og offentleg sektor. Vi har samarbeid, med og utan partnarskap, i både idrett, organisasjonar og festivalar.

Dette er eit satsingsområde frå Sogndal kommune. Nyskapande friluftsliv er viktig for kommunen vår, der vi alle bygger opp rundt denne visjonen.