Saman med Fjøra Gastro & Pub inviterer Sogn Næring til næringspub i Sogndal tysdag 18. april frå klokka 19.00.

Erlend Fardal Lunde og Victor Aguiar har det siste året starta fleire tilbod i Sogndal. Kva gjer at dei satsar, og kva tankar har dei om Fjøra 2.0?

Sogndal har dei siste 30-40 åra hatt ein rivande utvikling, men samfunnsutvikling er ein jobb som ein aldri blir ferdig med. Skal Sogndal, og spesielt Sogndalsfjøra ha suksess i framtida må ein tileigna seg meir urbane kvalitetar. Attraktive serveringsstadar for ulike behov og folk er difor heilt avgjerande.

Erlend Fardal Lunde og Victor Aguiar satsar på servering i Sogndalsfjøra.

Korleis kan vi saman skape eit levande sentrum?

Samfunnsutviklarane Ingrid Annette og Elisabet fortel korleis dei jobbar med stadutvikling i kommunen og korleis dei vil jobbe saman med innbyggarane og næringslivet for skape eit sentrum alle kjenner seg heime i.

---

Det blir lagt opp til ein flytande dialog med moglegheit for å stille spørsmål undervegs. Målet er å skape ei kreativ atmosfære der aktørar kan møtast og få inspirasjon og kanskje lære noko nytt av dei mange innovative folka som finst i og rundt Sogndal.

Arrangementet er ope for alle, og det blir tid til å prate og bli kjent undervegs og i etterkant av arrangementet. Velkommen!